नेपालमा पनि नवजात शिशुका लागि जन्मेको १ घण्टा भित्र दिनुपर्ने भिटामिन के कार्यक्रम सुरु भएको छ । निःशुल्क रुपमा सञ्चालन भै रहेको आमा सुरक्षा कार्यक्रम अन्तरगत सुरक्षित सुत्केरी कार्यक्रमको प्याकेजमा समावेश देशभर नवजात शिशुलाई जन्मने बित्तिकै भिटामिन केको सुइ दिईन्छ ।
नवजात शिशुलाई कतिबेला यो सुई दिने?
✔ नवजात शिशु जन्मिएको एक घण्टा भित्र यो सुई दिनुपर्दछ ।
✔ अभिभावकको सहमतिमा दुध चुसेपछि एक घण्टामा भिटामिन के सुई मासुमा दिइनेछ ।
✔ दाहिने तिघ्राको अगाडीको भागको मासुमा दिनुपर्छ ।
✔ यदि घरमा सुत्केरी भएको अवस्थामा आमा र शिशु प्रथम पटक स्वास्थ्य संस्थामा आएको बेला दिने अर्थात् स्वास्थ्यकर्मीहरु घरमा नै गएर दिनेछन् ।
✔ यसको डोज भनेको १ केजी भन्दा कमतौल भएका नवजात शिशुलाई ०.५ मिलिग्राग र १ केजीभन्दा माथि तौलका शिशुलाई १ मिलिग्राम हो ।
भिटामिन के को कमी भएका बालबालिबालाई कस्तो समस्या हुन्छ?
रगत जमाउने तत्व बनाउन भिटामिन के चाहिन्छ । जुन शिशुमा भिटामिन केको कमी हुन्छ, त्यस्ता शिशुहरुलाई कुनै चोटपटक वा घाउ लागेमा रगत बगिरहन्छ । जसका कारण शिशुमा कुनैपनि बेला दुर्घटना निम्तन सक्छ । रक्तस्राव भएका शिशुलाई तुरुन्तै अस्पताल भर्ना गरेर भिटामिन के दिनुपर्दछ ।
No comments:
Post a Comment